पनवेल : बँक व्यवस्थापकाची सोनसाखळी रेल्वे प्रवासादरम्यान चोरल्याची घटना १४ मार्चला घडली असून याबाबतचा रितसर गुन्हा १८ मार्चला तळोजा पोलीस ठाण्यात नोंदविला आहे. पोलीस अनोळखी चोरट्यांचा शोध घेत आहेत. तळोजा घोटकॅम्प येथे राहणारे २८ वर्षीय बँक व्यवस्थापक एका खासगी बँकेत काम करतात. हेही वाचा : पनवेल : अभियंता अपघातामध्ये ठार १४ मार्चला ते वंदे भारत या रेल्वेने जालना ते ठाणे या पल्यावर प्रवास करुन ते बेलापूरला कार्यालयात कामावर गेले. मात्र घरी सायंकाळी पाच वाजता आल्यावर त्यांना गळ्यात सोनसाखळी नसल्याचे समजले. नेमकी सोनसाखळी कोणी चोरली हे तपासण्यासाठी संबंधित रेल्वे पोलीसांकडे धाव घेतली. वाशी रेल्वे पोलीसांकडे या घटनेची ऑनलाईन तक्रार दिल्यानंतर या प्रकरणातील चोरट्यांचा शोध तळोजा पोलीस घेत आहेत.
