ठाणे : कोलशेत येथील एका इमारतीच्या गच्चीवर शीर धडावेगळे करून एकाची हत्या करण्यात आल्याचा धक्कादायक प्रकार सोमवारी उघडकीस आला आहे. या घटनेनंतर कापूरबावडी पोलीस आणि ठाणे गुन्हे अन्वेषण शाखेचे अधिकारी घटनास्थळी दाखल झाले आहे. याप्रकारामुळे परिसरात घबराटीचे वातावरण निर्माण झाली आहे. पोलिसांकडून प्रकरणाचा तपास सुरू आहे.
हे ही वाचा…शरद पवारांचे एमपीएससी विद्यार्थ्यांसाठी मुख्यमंत्र्यांना पत्र; सरकारला इशारा देत म्हणाले…
हे ही वाचा…बुलढाणा : राहुल गांधींची जीभ कापणाऱ्यास ११ लाखांचे बक्षीस; संजय गायकवाड यांची प्रक्षोभक घोषणा
कोलशेत येथील एका इमारतीच्या गच्चीवर सोमवारी सकाळी रक्ताच्या थारोळ्यात मृतदेह नागरिकांना आढळून आला. या मृतदेहाचे शीर धडावेगळे झाले होते. कापूरबावडी पोलीस, गुन्हे अन्वेषण शाखेचे युनीट पाचचे पथक घटनास्थळी दाखल झाल्यानंतर याप्रकरणाचा तपास सुरू केला आहे. मृत व्यक्ती इमारतीमधील सुरक्षा पर्यवेक्षक असल्याची प्राथमिक माहिती समोर येत आहे.
