Strange Accident Captured In Bus Camera : असे म्हणतात की डोळे फसवू शकतात पण कॅमेरा फसवू शकत नाही. अनेकदा कॅमेरामध्ये अशी काही दृश्य कैद होतात, जी पाहून डोळ्यांवर विश्वास ठेवणे कठीण होते. सध्या अशाच एका थरारक अपघाताचा सीसीटीव्ही फुटेज व्हिडीओ खूप व्हायरल होत आहे, जो आता नेटकऱ्यांचे लक्ष वेधून घेत आहे. हा फुटेज व्हिडीओ चालत्या बसच्या आतील आहे, ज्यामध्ये बसलेली एक महिला विचित्र अपघाताची बळी ठरताना दिसतेय. तुर्कीतील गेब्जेमधील ही घटना आहे.
व्हायरल होत असलेल्या फुटेजमध्ये काही लोक सिटी बसमधून प्रवास करत असल्याचे दिसत आहे. पुढच्याच क्षणी ड्रायव्हरने बसचा वेग वाढवताच एक महिला काय विचार करत सीटवरून उठते ठावूक नाही, पण पुढे ती चालत्या बसमधून खाली उतरते. हे पाहून इतर प्रवासी चक्रावले. त्या महिलेने असे का केले या विचारात ते पडले, यावेळी चालकाने लगेच गाडी थांबवली, पण तोपर्यंत महिला बसच्या मागील चाकाखाली आली होती. या व्हिडीओमध्ये दिसत आहे की, प्रवासी आणि ड्रायव्हर दोघेही या महिलेने असे का केले अशा विचारात भराभर बसमधून खाली उतरले आणि महिलेच्या दिशेने धावत सुटले.
थरारक अपघाताचा व्हिडीओ व्हायरल
अपघाताचा हा थरारक व्हिडीओ @Morbidful या एक्स अकाउंटवरून शेअर करण्यात आला आहे, जो आतापर्यंत जवळपास दोन कोटी वेळा पाहिला गेला आहे. युजरने कॅप्शनमध्ये लिहिले आहे की, बस पूर्ण थांबण्यापूर्वी महिलेने बसमधून बाहेर पडण्याचा प्रयत्न केला आणि गाडीच्या मागील चाकाखाली अडकली. गंभीर जखमी झाल्याने तिचा मृत्यू झाला. आता या विचित्र अपघाताचा व्हिडीओ पाहून लोक हैराण झाले आहेत.
व्हिडीओमध्ये तुम्ही पाहू शकता, बसमध्ये बसलेली एक महिला अचानक सीटवरून उठते. यानंतर ती भरधाव वेगात असलेली बस थांबण्याच्या आतच बसमधून उतरते, पण तोल जाऊन ती रोडवर कोसळते आणि बसच्या मागच्या चाकाखाली येते. दोन सेकंद प्रवाशांनाही समजत नाही नेमकं काय घडले. पण, बसचालक बस थांबवतात व सर्व प्रवासी धावत बसमधून उतरतात आणि त्या महिलेच्या दिशेने धावतात.
एका युजरने कमेंट केली आहे की, एवढी वृद्ध असूनही एका महिलेने लहान मुलांसारखी चूक कशी केली. त्याच वेळी, दुसरा वापरकर्ता म्हणतो की, येथे बसचालकाचीही चूक आहे. स्टॉप येण्यापूर्वी त्याने दरवाजा कसा उघडला? आणखी एका युजरने कमेंट केली आहे, माझा माझ्या डोळ्यांवर विश्वास बसत नाही.
