Pahalgam Terror Attack Updates : फारुख अब्दुल्ला यांनी घेतली पहलगाम हल्ल्यातील पीडित सय्यद आदिल हुसेन शाह यांच्या कुटुंबियांची भेट

पहलगाम दहशतवादी हल्ल्याच्या पार्श्वभूमीवर भारताने पाकिस्तान विरोधात कठोर भूमिका घेतली आहे. यादरम्यान पाकिस्तानाशी व्यापार देखील बंद करण्यात आला आहे. यानंतर आता पाकिस्तानचा ध्वज असलेल्या जहाजांना कोणत्याही भारतीय बंदरात जाण्यास बंदी घालण्यात आली आहे. तसेच भारतीय ध्वज असलेल्या जहाजाला पाकिस्तानच्या कोणत्याही बंदरात जाण्याची परवानगी नसेल, अशी महिती बंदरे, जहाजबांधणी आणि जलमार्ग मंत्रालयाने दिली आहे.

२-३ मे २०२५ च्या रात्री पाकिस्तानी सैन्याने जम्मू आणि काश्मीरच्या कुपवाडा, उरी आणि अखनूर भागात नियंत्रण रेषेवर लहान शस्त्रांनी गोळीबार केला. ज्याला भारतीय सैन्याने तात्काळ चोख प्रत्युत्तर दिले, अशी माहिती भारतीय सैन्याकडून देण्यात आली आहे. दरम्यान गेल्या काही दिवसांपासून पाकिस्तानकडून सातत्याने सीमेवर शस्त्रसंधीचे उल्लंघन केले जात आहे.