PM Modi : “अण्णा हजारेंना पुढे करत बेईमान लोकांनी दिल्लीला आपत्तीत ढकलले”, विधानसभेच्या तोंडावर पंतप्रधानांकडून ‘आप’वर टीका

गेल्या वर्षी ऑक्टोबरमध्ये दिल्ली सरकारच्या सार्वजनिक बांधकाम विभागाने, दिल्लीच्या मुख्यमंत्र्यांच्या अधिकृत निवासस्थानी कोटींहून अधिक किमतीची उच्च दर्जाची उपकरणे आणि गॅझेट्स बसवले असल्याची माहिती दिली होती.त्यामुळे भाजपाने आप सरकारवर सडकून टीका केली होती. यानंतर आप सरकारने दिल्लीच्या मुख्यमंत्र्यांच्या अधिकृत निवासस्थानावर प्रमाणापेक्षा खर्च केल्याच्या आरोप झाले होते. हाच धागा पकडत पंतप्रधानांनी केजरीवाल यांना लक्ष्य केले.

अण्णा हजारेंना पुढे करत …

“मी सुद्धा शीशमहल (काचेचा बंगला) बांधू शकलो असतो, पण मोदींने स्वत:साठी कधीही घर बांधले नाही हे देशाला चांगल्या प्रकारे माहित आहे. मी गरिबांसाठी ४ कोटींहून अधिक घरे बांधली आहेत.गेल्या १० वर्षात दिल्लीला आपत्तीने वेढले आहे. अण्णा हजारे यांना पुढे करत काही अत्यंत बेईमान लोकांनी दिल्लीला आपत्तीत ढकलले आहे. आप आपदा बनकर दिल्ली पर टूट पडी है”, असे पंतप्रधान नरेंद्र मोदी म्हणाले.

दिल्ली विधानसभा निवडणूक

गेल्या ११ वर्षांत तीन वेळा दिल्ली विधानसभेची निवडणूक जिंकणाऱ्या आम आदमी पार्टीने आपली सत्ता राखण्यासाठी जोरदार तयारी केली आहे. निवडणूक जाहीर होण्यापूर्वीच आम आदमी पार्टीने सर्व विधानसभा मतदारसंघातील आपले उमेदवार जाहीर केले असून, उमेदवारांनी निवडणुकीची तयारीही केली आहे. दुसरीकडे गेल्या १०-११ वर्षा देशातील अनेक राज्यांत सत्ता मिळणाऱ्या भाजपाला पंतप्रधान मोदी सत्तेत आल्यापासून दिल्ली विधानसभेत सत्ता स्थापन करता आलेली नाही. त्यामुळे यंदा भाजपाने दिल्ली विधानसभा जिंकण्यासाठी जोर लावला आहे. दरम्यान दिल्ली विधानसभा निवडणुकीच्या तारखा अद्याप जाहीर झाल्या नाहीत.

हे ही वाचा : “पत्नीने अनैतिक संबंध न ठेवता इतरांना भेटणं म्हणजे…”, २३ वर्षांपासून वेगळं राहणार्‍या पती-पत्नीला घटस्फोट देताना न्यायालयाची महत्त्वपूर्ण टिप्पणी

दुसरीकडे आम आदमी पार्टी सत्तेत येण्यापूर्वी सलग १५ वर्षे दिल्लीत राज्य केलेल्या काँग्रेसबरोबर इंडिया आघाडीत असूनही आम आदमी पार्टीने एकत्र निवडणूक लढण्यास नकार दिला आहे. त्यामुळे आम आदमी पक्षाला भाजपाबरोबर काँग्रेसही घेरत असल्याचे पाहायला मिळत आहे.