BCCI reprimands Rasikh Salam Dar : आयपीएल २०२४ मधील ४०वा सामना गुजरात टायटन्स विरुद्ध दिल्ली कॅपिटल्स यांच्यात दिल्लीत पार पडला. या सामन्यात दिल्लीने गुजरातविरुद्ध ४ धावांनी निसटता विजय मिळवला. दिल्ली कॅपिटल्सचा युवा वेगवान गोलंदाज रसिख सलाम दारला मैदानावरील गैरवर्तन महागात पडले आहे. रसिक सलाम दारने बुधवारी गुजरात टायटन्सविरुद्धच्या सामन्यात असे कृत्य केले, ज्याबद्दल त्याला बीसीसीआयने फटकारले आहे. रसिक सलाम दार हा तोच गोलंदाज आहे, ज्याने बुधवारी गुजरात टायटन्सविरुद्ध खेळल्या गेलेल्या आयपीएल सामन्यात ४४ धावांत ३ विकेट्स घेतल्या.

रसिख सलाम दारला –

गुजरात टायटन्सविरुद्धच्या आयपीएल सामन्यात विकेट घेतल्यानंतर आक्रमक सेलिब्रेशन केल्याबद्दल दिल्ली कॅपिटल्सचा वेगवान गोलंदाज रसिख सलाम दारला फटकारण्यात आले आहे. अरुण जेटली स्टेडियमवर बुधवारी झालेल्या सामन्यात दिल्लीने चार धावांनी विजय मिळवला. यादरम्यान, रसिख सलाम दार हा आयपीएल आचारसंहितेच्या कलम २.५ च्या लेव्हल वन गुन्ह्यासाठी दोषी आढळला, जो दुसऱ्या खेळाडूला चिथावणी देणारी भाषा किंवा कृती किंवा हावभाव वापरण्याशी संबंधित आहे. त्याने गुन्हा कबूल केला असून मॅच रेफरीचा निर्णय त्याने स्वीकारला आहे. आचारसंहितेच्या लेव्हल वन उल्लंघनासाठी, सामनाधिकारीचा निर्णय अंतिम आणि बंधनकारक असतो.

What Poonam Mahajan Said?
भाजपाने तिकिट कापल्यानंतर पूनम महाजन यांची पहिली प्रतिक्रिया, म्हणाल्या, “मी…”
Jake Fraser Mcgurk Statement on Jasprit Bumrah
IPL 2024: जेक फ्रेझरचे बुमराहविरूद्धच्या फटकेबाजीवर मोठे वक्तव्य, म्हणाला ‘मी दिवसभर बुमराहच्या गोलंदाजीचे …’
Woman Strips At Petrol Pump video viral
पेट्रोल पंपावर तरुणीचे लज्जास्पद कृत्य; कर्मचाऱ्यासमोर पँट काढली अन्…; Video व्हायरल
Sachin Tendulkar Son Arjun Tendulkar Aggression
२ चेंडूंवर, २ षटकार व सचिन तेंडुलकरच्या लेकाची माघार; अर्जुनला खुन्नस देणं पडलं महाग, MI vs LSG ची नाट्यमय ओव्हर पाहा
Hardik Pandya Shouted on Jasprit Bumrah Video
IPL 2024: हार्दिक पंड्या भर मैदानात बुमराहवर ओरडला, निराश झालेल्या जसप्रीतने दिली अशी प्रतिक्रिया; Video व्हायरल
DC beat RR by 20 Runs sanju samson wicket Controversy
IPL 2024: संजू सॅमसनला बाद देण्याचा निर्णय वादग्रस्त; राजस्थान पराभूत, प्लेऑफ प्रवेश लांबणीवर
Viral Video Watch Farmer Helps Woman Who Had Her Skirt Ripped At Bus Stop Video will win your heart
बापमाणूस! बस स्टॉपवर फाटला तरुणीचा स्कर्ट; मदतीसाठी ‘त्यानं’ पुढे केला हात, पाहा हृदयस्पर्शी VIDEO
IPL 2024 Playoffs Scenario for RCB
IPL 2024: १८ धावा किंवा १८.१ षटके… आरसीबी की चेन्नई कोण गाठणार प्लेऑफ, वाचा कसं आहे समीकरण?

रसिख सलाम दारने ३ विकेट्स घेतल्या –

रसिख सलाम दारने बुधवारी गुजरात टायटन्सचे फलंदाज साई सुदर्शन (६५), शाहरुख खान (८) आणि आर साई किशोर (१३) यांना बाद केले होते. कर्णधार ऋषभ पंत आणि अक्षर पटेल यांच्या अर्धशतकांमुळे आणि दोघांमधील शतकी भागीदारीमुळे दिल्ली कॅपिटल्सने गुजरात टायटन्सचा चार धावांनी पराभव केला. दिल्लीच्या २२५ धावांच्या लक्ष्याचा पाठलाग करताना टायटन्स संघ साई सुदर्शन (६५ धावा) आणि डेव्हिड मिलर (५५ धावा) यांच्या अर्धशतकांच्या जोरावर ८ गड्यांच्या मोबदल्यात २२० धावाच करू शकला.

हेही वाचा – ऋषभ पंतचा षटकार अन् कॅमेरामन जखमी; दिल्लीच्या कॅप्टनने केलेल्या VIDEO तील ‘त्या’ कृतीने जिंकले नेटिझन्सचे मन

गुणतालिकेत दिल्ली कॅपिटल्स सहाव्या स्थानावर विराजमान –

साई सुदर्शनने सलामीवीर रिद्धिमान साहा (३९) सोबत दुसऱ्या विकेटसाठी ८२ धावा जोडल्या. दिल्लीकडून रसिख सलाम दारने ३ तर कुलदीप यादवने २ विकेट्स घेतल्या. एनरिक नॉर्खिया, मुकेश कुमार आणि अक्षर पटेल यांनी प्रत्येकी १ विकेट घेतली. गुजरात टायटन्सला आयपीएल २०२४ मध्ये पाचव्या पराभवाला सामोरे जावे लागले आहे. आता गुजरात टायटन्स संघ गुणतालिकेत सातव्या स्थानावर घसरला आहे. दिल्ली कॅपिटल्स संघ आता गुणतालिकेत सहाव्या स्थानावर आहे आणि प्लेऑफमध्ये पोहोचण्याच्या त्याच्या आशा कायम आहेत.