काँग्रेसची तिसरी यादी जाहीर; बाबा सिद्दिकींच्या मतदारसंघातून कोणाला उमेदवारी?

काँग्रेसने तिसरी यादी जाहीर केली असून १६ जणांची नावे जाहीर केली आहेत

विधानसभा निवडणुकीसाठी काँग्रेसची यादी जाहीर (फोटो - लोकसत्ता ग्राफिक्स टीम)

महाराष्ट्रात विधानसभा निवडणुकीची जोरदार तयारी सुरू झाली असून उमेदवार आणि जागा वाटप सुरू झाले आहे. आतापर्यंत महाविकास आघाडी आणि महायुतीतील घटक पक्षांनी उमेदवार जाहीर केले आहेत. दोन्ही आघाड्यातील मित्र पक्षांनी स्वतंत्र उमेदवार जाहीर केले आहेत. आता काँग्रेसनेही तिसरी यादी जाहीर केली आहे. या तिसऱ्या यादीत १६ उमेदवारांची नावे जाहीर केली आहेत.

२००९ मध्ये बाबा सिद्दिकी हे वांद्रे पश्चिम मतदारसंघाचे आमदार होते. याच मतदारसंघातून काँग्रेसने आसिफ झकेरिया यांना उमेदवारी दिली आहे. आसिफ झकेरिया हे दोनवेळा मुंबई पालिकेवर नगरसेवक म्हणून निवडून गेले आहेत. तर, त्यांना भाजपाचे आशिष शेलार यांच्याविरोधात लढाई लढावी लागणार आहे.

Congress (@INCIndia) releases another list of 16 candidates for Maharashtra Assembly elections; Sachin Sawant to contest from Andheri West.#MaharashtraElections2024 #MaharashtraAssemblyPolls2024 pic.twitter.com/NbYc2croQ7
— Press Trust of India (@PTI_News) October 26, 2024

महाविकास आघाडीतील जागावाटपाबाबत काँग्रेसचे नेते राहुल गांधी यांच्याबरोबर काँग्रेसचे प्रदेशाध्यक्ष नाना पटोले यांच्यासह राज्यातील काही काँग्रेस नेत्यांची दिल्लीत शुक्रवारी महत्वाची बैठक पार पडली. या बैठकीत महाविकास आघाडीतील जागावाटपाबाबत सविस्तर चर्चा झाली. यानंतर २६ ऑक्टोबर रोजी सकाळी काँग्रेसकडून २३ उमेदवारांची दुसरी यादी जाहीर करण्यात आली. तर आताही १६ उमेदवारांची यादी जाहीर करण्यात आली आहे.

This quiz is AI-generated and for edutainment purposes only.

काँग्रेसच्या तिसऱ्या यादीत कोणाला मिळाली संधी?

विधानसभा मतदारसंघ	उमेदवार
खामगाव	राणा दिलीप कुमार सानंदा
मेळघाट – एस.टी	डॉ.हेमंत नंदा चिमोटे
गडचिरोली एस.टी	मनोहर तुळशीराम पोरेटी
दिग्रस	माणिकराव ठाकरे
नांदेड दक्षिण	मोहनराव मारोतराव अंबाडे
देगलूर – एस.सी	निवृत्तीराव कोंडीबा कांबळे
मुखेड	हणमंतराव वेंजकतराव पाटील बेटमोगरेकर
मालेगाव मध्य	एजाज बेग अजिज बेग
चांदवड	शिरीषकुमार वसंतराव कोतवाल
इकतपुरी – एस.टी	लकीभाऊ भिका जाधव
भिवंडी पश्चिम	दयानंद मोतीराम चोरघे
अंधेरी पश्चिम	सचिन सावंत
वांद्रे पश्चिम	आसिफ झकेरिया
तुळजापूर	कुलदीप धिरज आप्पासाहेब कदम पाटील
कोल्हापूर उत्तर	राजेश भरत लाटकर
सांगली	पृथ्वीराज गुलाबराव पाटील</td>

महाविकास आघाडीचा ९०-९०-९० चा फॉर्म्युला ठरला?

गेल्या काही दिवसांपासून महाविकास आघाडीत जागावाटपावरून मतभेद सुरु होते. यासंदर्भात महाविकास आघाडीतील नेत्यांच्या अनेक बैठकाही पार पडल्या. त्यानंतर ८५-८५-८५ जागांचा फॉर्म्युला समोर आला होता. मात्र, त्यानंतर पुन्हा या फॉर्म्युल्यात बदल करण्यात आल्याची माहिती समोर आली. यानंतर आता ९०-९०-९० चा फॉर्म्युला ठरला असल्याची माहिती सांगण्यात आली आहे.

Web Title: Maharashtra assembly elections 2024 congress announced third list of 16 candidates asif zakaria to contest from baba siddique constituency vandre west sgk

Congress Candidates 3rd List : काँग्रेसची तिसरी यादी जाहीर; बाबा सिद्दिकींच्या मतदारसंघातून कोणाला उमेदवारी?

काँग्रेसने तिसरी यादी जाहीर केली असून १६ जणांची नावे जाहीर केली आहेत

काँग्रेसच्या तिसऱ्या यादीत कोणाला मिळाली संधी?

महाविकास आघाडीचा ९०-९०-९० चा फॉर्म्युला ठरला?