कल्याण-खेतेवाडीतील आदिवासी विकास बहुद्देशीय सेवाभावी संस्थेतर्फे कल्याण येथे नुकताच परिचय मेळावा व महिलांसाठी हळदी-कुंकू समारंभ घेण्यात आला. नोकरीनिमित्त विविध ठिकाणी स्थायिक झालेल्या खेतेवाडीकरांच्या ओळखी वाढून त्यांचा गावाच्या विकासाला हातभार लागावा या उद्देशाने आयोजित केलेला हा मेळावा आदिवासींच्या परंपरा आणि प्रथेनुसार पार पडला.
राघोजी भांगरे यांच्या प्रतिमेला हार घालून अध्यक्ष श्रीचंदू  मुठे यांच्या हस्ते कार्यक्रमास प्रारंभ झाला. सर्वश्री अरुण पारधी, शशिकांत करवंदे, विलास गवारी, नामदेव गभाले, अरुण रावते, एकनाथ ढेंगळे, अनिता दाभाडे आदींची या वेळी भाषणे झाली. आदिवासी तारपा या वाद्य वादनाने कार्यक्रमाची सांगता झाली.