Marathi News Today: धुलिवंदनाच्या पार्श्वभूमीवर महाराष्ट्रातील राजकीय वर्तुळात आरोप-प्रत्यारोपांची धुळवड पाहायला मिळत आहे. लोकसभा निवडणुकांवरून राज्यात महायुती व महाविकास आघाडी यांच्यातील अंतिम जागावाटप अद्याप स्पष्ट झालेलं नसताना शीर्षस्थ नेतृत्वाकडून महाराष्ट्रातील काही जागांवर उमेदवारांची नावं जाहीर केली जात आहेत. त्यामुळे नेमकं महायुती व महाविकास आघाडीचं ठरलंय काय? असा प्रश्न उपस्थित केला जात आहे.
Maharashtra News Live Updates 25 March 2024: महाराष्ट्रात आरोप-प्रत्यारोपांची राजकीय धुळवड!
पुणे : शिवसेनेचे शिरूर लोकसभा मतदारसंघाचे माजी खासदार शिवाजीराव आढळराव पाटील मंगळवारी (२६ मार्च) राष्ट्रवादी काँग्रेसमध्ये प्रवेश करणार आहेत. त्यामुळे आढळराव राष्ट्रवादी काँग्रेसचे उमेदवार असतील, यावर शिक्कामोर्तब झाले आहे.
नागपूर : आगामी लोकसभा निवडणुकीची आचारसंहिता लागल्यानंतर पोलीस आयुक्तांनी आठवडाभर विशेष मोहिम राबवून भारतीय शस्त्र अधिनियम कायद्याअंतर्गत ४६ शस्त्र जप्त केली. यामध्ये ५ पिस्तूल आणि ९ जिवंत काडतुसाचा समावेश आहे.
पुणे : पुणे जिल्ह्यात फेब्रुवारी महिन्यात १७ हजार ५७० घरांच्या खरेदीचे व्यवहार झाले. गेल्या वर्षीच्या तुलनेत त्यात २३ टक्के वाढ नोंदविण्यात आली आहे. या व्यवहारातून सरकारला ६२० कोटी रुपयांचे मुद्रांक शुल्क मिळाले असून, त्यातही गेल्या वर्षीच्या तुलनेत २० टक्के वाढ झाली आहे.
पुणे : केंद्रीय माध्यमिक शिक्षण मंडळाने (सीबीएसई) राज्यातील दोन शाळांसह देशभरातील वीस शाळांवर कारवाईचा बडगा उगारला आहे. गैरप्रकारांसंदर्भात केलेल्या पडताळणीनंतर सीबीएसईने कारवाईचा निर्णय घेतला आहे.
मुंबई: चेंबूर कॉलनी येथे सोमवारी सकाळी एका घराची भिंत कोसळून महिला गंभीर जखमी झाली. सध्या या महिलेवर गोवंडीच्या शताब्दी रुग्णालयात उपचार सुरू असून चेंबूर पोलीस याबाबत अधिक तपास करत आहेत.
पिंपरी : बारामती लोकसभेत विजय शिवतारे यांनी घेतलेल्या भूमिकेचे मावळ लोकसभेत उमटलेले पडसाद, राष्ट्रवादी आणि भाजपने मावळ मतदारसंघावर केलेला दावा, विकासाचे दावे-प्रतिदावे, आरोप-प्रत्यारोप, गुगली प्रश्नांना दिलेली सफाईदार उत्तरे आणि एकूणातच खुसखुशीत व परखड चर्चेमुळे मावळ लोकसभेचा रणसंग्राम चांगलाच रंगला.
राज ठाकरेंकडे शिंदे गटाच्या शिवसेनेची सूत्रं सोपवली जाणार असल्याची चर्चा रंगू लागली आहे. यासंदर्भात राज ठाकरेंकडे प्रस्तावही ठेवण्यात आल्याचं बोललं जात आहे. याबाबत शिंदे गटाचे आमदार शहाजीबापू पाटील यांना विचारणा केली असता त्यांनी याला विरोध असल्याचं सांगितलं आहे. “आमच्या शिवसेनेचे पक्षप्रमुख एकनाथ शिंदेच राहायला हवेत. त्यासाठी आम्ही कोणतीही तडजोड करणार नाही. असं काही असेल तर आम्ही त्याला स्पष्ट नकार देऊ”, असं ते म्हणाले आहेत.
पुणे : महाराष्ट्र राज्य रस्ते विकास महामंडळाच्या (एमएसआरडीसी) प्रस्तावित वर्तुळाकार रस्ता प्रकल्पासाठी अर्थसंकल्पात तब्बल दहा हजार ५१९ कोटी रुपयांच्या निधीची तरतूद करण्यात आली आहे. हा निधी भूसंपादनासाठी देण्यात आला असल्याने पूर्व मार्गाच्या भूसंपादनाचा मार्ग मोकळा झाला आहे.
मुंबई : महाराष्ट्र राज्य रस्ते विकास महामंडळाच्या (एमएसआरडीसी) विरार-अलिबाग बहुउद्देशीय मार्गिका, पुणे वर्तुळाकार रस्ता आणि नांदेड-जालना द्रुतगती महामार्ग अशा तीन महत्त्वाकांक्षी प्रकल्पाच्या आर्थिक निविदा उघडण्यास काहीसा विलंब होणार आहे.
नाशिक – भाजप, राष्ट्रवादीचे दावे आणि आरोप-प्रत्यारोपांमुळे वादात सापडलेल्या नाशिक लोकसभेच्या जागेवर शक्य तितक्या लवकर आपला उमेदवार जाहीर करावा, यासाठी शिवसेना शिंदे गटाच्या स्थानिक पदाधिकाऱ्यांनी ठाणे येथे थेट मुख्यमंत्री एकनाथ शिंदे यांच्या निवासस्थानासमोर ठिय्या देत शक्ती प्रदर्शन केले.
नवी मुंबई : सट्टा बाजारात गुंतवणूक आमच्या मार्गदर्शनाखाली करा आणि भरघोस परतावा आणि तेही कमी वेळात अशा आशयाच्या जाहिरातीला बळी पडून एका व्यक्तीने तब्बल ५२ लाख १३ हजार ४३३ रुपये गमावले आहेत.
पनवेल : पनवेल तालुक्यातील ग्रामीण भागातील विविध गावांमध्ये वीज मीटरची तपासणी करुन विजचोरी करणाऱ्या २४ वीज ग्राहकांविरोधात वीज महावितरण कंपनीने वीज चोरी केल्याप्रकरणी पनवेल शहर पोलीस ठाण्यात गुन्हा नोंदविला आहे.
मागील अनेक दिवस आर्थिव वर्षाच्या शेवटी महावितरण कंपनीच्यावतीने वीज चोरी करणाऱ्यांविरोधात अशी कारवाई केली जाते. महावितरण कंपनीने तालुक्यातील खेरणे, चिंध्रण, वावंजे,शिरवली, आंबे, कोलवाडी आणि मोहोदर या गावांमध्ये केली आहे. महावितरण कंपनीच्या अधिकाऱ्यांनी केलेल्या कारवाईमध्ये ३१ हजार ५२५ युनीटची विजचोरी पकडल्याचा दावा केला आहे.
नागपूर : राज्याच्या बहुतांश भागात उष्णतेच्या झळा तीव्र होत आहेत. कोरड्या हवामानामुळे त्यात आणखी वाढ होण्याची शक्यता आहे. अवकाळी पावसाने राज्यात विश्रांती घेतली आहे. साधारणपणे होळीनंतर तापमानात वाढ होण्यास सुरुवात होते.
बुलढाणा: बुलढाणा मतदारसंघ काँग्रेसला सोडण्यात यावा या मागणीसाठी पदाचे राजीनामे देणाऱ्या काँग्रेसच्या पदाधिकारी व कार्यकर्त्यांनी नागपूर गाठले! प्रदेशाध्यक्ष नाना पटोले यांच्या समवेत सविस्तर चर्चा केली.
नगरः पत्नी व दोन लहान मुलींना घरात कोंडून नंतर घर पेटवून देऊन, तिघींना जिवंत जाळण्याची घटना नगर तालुक्यातील पिंपळगाव लांडगा येथे आज, सोमवारी सकाळी घडली. पिंपळगाव लांडगा गाव नगर-पाथर्डी रस्त्यावर १५ किमी अंतरावर आहे.
पनवेल : नवी मुंबई पोलिस दलातील खांदेश्वर पोलीसांनी यंदा सामाजिक संदेश देत अनाथ आश्रमातील मुले आणि तृतीयपंथी यांच्यासोबत नैसर्गिक रंग लावून रंगपंचमी साजरी केली. खांदेश्वर वसाहतीमधील बाल ग्राम आश्रमातील मुलांसोबत आणि नवी मुंबई शहरातील तृतीयपंथी यांच्या सोबत रंगपंचमीच्या रंगांची उधळण करत रंगपंचमी साजरी केली.
पनवेल : लोकसभा निवडणूकीमुळे राज्यात सर्वत्र आचारसंहिता लागू आहे. विना परवानगी कोणत्याही राजकीय पक्षांनी जाहिराती करु नये असे स्पष्ट आदेश निवडणूक आयोगाचे असताना सुद्धा कामोठे येथे राजकीय संदेश देणाऱ्या भिंती रंगविण्यात आल्या होत्या. नागरिकांनी निवडणूक आयोगाने जाहीर केलेल्या अ‍ॅपवर केलेल्या तक्रारीनंतर ही बाब रविवारी उजेडात आली.
नागपूर: उपमुख्यमंत्री देवेंद्र फडणवीस यांच्या ऊर्जा खात्याच्या अखत्यारीत येणाऱ्या महावितरण कंपनीने आचारसंहिता लागू झाल्यानंतर राज्यातील अंदाजे २.७५ कोटीहून अधिक वीज ग्राहकांना आचारसंहिता भंग करणारी वीजबिले वितरीत करण्यास सुरुवात केली आहे.
यवतमाळ : प्रकल्पाचा अद्ययावत अहवाल सादर करून केंद्रीय जल आयोगाची अंतिम मान्यता घेण्यापूर्वीच निम्न पैनगंगा प्रकल्पाच्या कामासाठी कार्यारंभ आदेश काढल्याची गंभीर बाब, माहिती अधिकारातून पुढे आली आहे. पैनगंगा प्रकल्पाच्या नव्यानेच काढलेल्या टिपणीतून हे स्पष्ट झाले. या संदर्भात नऊ आक्षेपांची तक्रार विभागीय आयुक्तांकडे करून तातडीच्या सुनावणीची मागणी करण्यात आली आहे.
बुलढाणा : मेहकर तालुक्यातील विठ्ठलवाडी या गावात होळीचा वाद वाढत जाऊन तुंबळ हाणामारी झाली. दोन्ही गटांनी लाठ्याकाठ्यांनी एकमेकांवर हल्ले केल्याने किमान १७ गावकरी जखमी झाले. यापैकी ५ गंभीर जखमींना बुलढाण्यात हलविण्यात आले आहे. गावाला पोलीस छावणीचे स्वरूप प्राप्त झाले आहे.
कोल्हापूर : कोल्हापूर लोकसभा मतदारसंघातील महाविकास आघाडीचे उमेदवार श्रीमंत शाहू महाराज यांनी कणेरी मठाला सदिच्छा भेट दिली. याप्रसंगी मठाचे अदृश्य काडसिद्धेश्वर स्वामी यांची भेट घेतली.
राज ठाकरेंकडे शिंदे गटाच्या शिवसेनेची सूत्रं सोपवली जाणार असल्याची चर्चा रंगू लागली आहे. यासंदर्भात राज ठाकरेंकडे प्रस्तावही ठेवण्यात आल्याचं बोललं जात आहे. याबाबत शिंदे गटाचे आमदार शहाजीबापू पाटील यांना विचारणा केली असता त्यांनी याला विरोध असल्याचं सांगितलं आहे. "आमच्या शिवसेनेचे पक्षप्रमुख एकनाथ शिंदेच राहायला हवेत. त्यासाठी आम्ही कोणतीही तडजोड करणार नाही. असं काही असेल तर आम्ही त्याला स्पष्ट नकार देऊ", असं ते म्हणाले आहेत.
छत्रपती संभाजीनगर : काँग्रेस, राष्ट्रवादी, भाजप, शिवसेनेसह सर्व राजकीय पक्षांच्या व्यासपीठावर वाजणारी तुतारी शरद पवार यांच्या राष्ट्रवादीचे निवडणूक चिन्ह झाले आणि प्रचारात तुतारी वाजविणाऱ्यांची पंचाईत झाली. अगदी कोणाच्याही व्यासपीठावर जाऊन प्रत्येकी दीड ते दोन हजार रुपये मिळणाऱ्या तुतारीवाल्यांना आता शरद पवार यांच्या राष्ट्रवादीशिवाय कोणी आधार राहिलेला नाही.
जालना : लोकसभा निवडणुकीसाठी १ जानेवारी २०२४ च्या अर्हता दिनांकाच्या आधारावर जालना जिल्ह्यातील १८ आणि १९ वर्षे वयोगटातील मतदारांत स्त्री-पुरुष संख्येत फार मोठी तफावत समोर आली आहे. या तरुण वयाच्या गटात पुरुष मतदारांचे प्रमाण ६४.७५ टक्के आहे. परंतु त्या तुलनेत स्त्री मतदारांचे प्रमाण ३५.२५ टक्के एवढे कमी आहे
कोल्हापूर : कामगारासह देशभरातील कोणताही घटक मोदी सरकारच्या कारभारावर समाधानी नाही. एकाधिकारपणा आणि हुकूमशाही मोडून कामगार आणि सर्वसामान्यांचं राज्य आणायचे असेल तर, हिच संधी आहे. मोदी विरोधातील ही लढाई संघटीत होवून लढूया, असे आवाहन विधान परिषदेतील काँग्रेसचे गटनेते आमदार सतेज पाटील यांनी केले. जिल्हा काँग्रेस कमिटी कार्यालयात झालेल्या बैठकीवेळी ते बोलत होते.
इंडीया आघाडीमधील घटक पक्षातील कामगार श्रमिक संघटनांची बैठक कोल्हापूर जिल्हा काँग्रेस कमिटी कार्यालयामध्ये झाली. आमदार सतेज पाटील यांच्या अध्यक्षतेखाली झालेल्या या बैठकीमध्ये इंडिया आघाडीत सहभागी असलेल्या विविध पक्षातील कामगार श्रमिक संघटनांचे प्रमुख पदाधिकारी या बैठकीसाठी उपस्थित होते. यावेळी बोलतांना आमदार सतेज पाटील यांनी, 2014 आणि 2019 मध्ये झालेल्या निवडणुकांमध्ये मोदींनी मोठी आश्वासने दिली. मात्र कामगार, शेतकरी आणि सर्वसामान्य जनता यांची फसवणूक झाल्याचा आरोप त्यांनी केला.
सोलापूर : माढा लोकसभा मतदारसंघात भाजपने विद्यमान खासदार रणजितसिंह नाईक-निंबाळकर यांना पुनःश्च उमेदवारी दिल्यामुळे प्रचंड नाराज झालेले धैर्यशील मोहिते-पाटील यांनी निंबाळकर यांची उमेदवारी बदलण्यासाठी संपूर्ण मतदारसंघात गावभेटीच्या नावाखाली दबाव वाढविण्याचा प्रयत्न केला होता. पण अचानक त्यांची गावभेट थांबली आहे. यातून मोहिते-पाटील टोकाची भूमिका घेणार नाहीत हे जवळपास स्पष्ट झाले आहे.
पिंपरी : पुणे ग्रामीण, शहर आणि पिंपरी-चिंचवडचा समावेश असलेल्या शिरूर लोकसभा मतदारसंघात दोन्ही राष्ट्रवादी काँग्रेसमध्येच लढत होणार हे आता स्पष्ट झाले आहे. महाविकास आघाडीकडून राष्ट्रवादी काँग्रेस शरदचंद्र पवार पक्षाचे खासदार डॉ. अमोल कोल्हे यांची उमेदवारी निश्चित असून त्यांनी प्रचाराचा प्रारंभ केला आहे. तर, शिवसेनेचे माजी खासदार शिवाजीराव आढळराव-पाटील हे उपमुख्यमंत्री अजित पवार यांच्या राष्ट्रवादीत मंगळवारी प्रवेश करणार असून महायुतीत राष्ट्रवादीकडून ते लढणार आहेत.
नवी दिल्ली : जवाहरलाल नेहरू विद्यापीठातील विद्यार्थी संघटनेच्या (जेएनयू स्टुडंट युनियन) चार वर्षानंतर झालेल्या निवडणुकीत डाव्या विद्यार्थी संघटनांच्या संयुक्त आघाडीने संघ-भाजपशी सलग्न असलेल्या अखिल भारतीय विद्यार्थी परिषदेचा पराभव करत दबदबा कायम राखला. डाव्या विद्यार्थी संघटनांच्या विजयानंतर रविवारी रात्री ‘जेएनयू’मध्ये जल्लोषाचे वातावरण होते. ‘जय भीम’, ‘लाल सलाम’च्या घोषणांनी विद्यापीठ दणाणून गेले होते.
महाराष्ट्र ब्रेकिंग न्यूज लाइव्ह टुडे
Maharashtra News Live Updates 25 March 2024: महाराष्ट्रातील महत्त्वाच्या घडामोडींचा आढावा एका क्लिकवर!
