scorecardresearch

Premium

IND vs AUS, World Cup 2023: मिचेल स्टार्कने किशनला बाद करत मोडला मलिंगाचा विक्रम, विश्वचषकात केला खास पराक्रम

IND vs AUS Match, World Cup 2023: ऑस्ट्रेलियाविरुद्ध पहिल्याच षटकात इशान किशन गोल्डन डकवर आऊट झाला. त्याच्यानंतर दुसऱ्या षटकात रोहित शर्मा आणि श्रेयस अय्यरही शून्यावर आऊट झाले. या दरमन्यान पहिली विकेट घेणाऱ्या मिचेल स्टार्कने एक खास कामगिरी केली.

India vs Australia Cricket Score Updates in Marathi
मिचेल स्टार्कच्या विश्वचषकात सर्वात जलद ५० विकेट्स (फोटो-लोकसत्ता ग्राफिक्स टीम)

World Cup 2023, India vs Australia Match Updates: एकदिवसीय विश्वचषक २०२३ मध्ये, भारतीय संघाने आपल्या पहिल्या साखळी सामन्यात ऑस्ट्रेलियन संघाला १९९ धावांत गारद केले, परंतु प्रत्युत्तरात टीम इंडियाची सुरुवात खूपच खराब झाली आणि संघाचे तीन आघाडीचे फलंदाज शून्यावर बाद झाले. या सामन्यात भारताने २ धावांत ३ विकेट्स गमावल्या होत्या. भारतीय एकदिवसीय क्रिकेटच्या इतिहासात ही दुसरी वेळ होती, जेव्हा दोन्ही सलामीचे फलंदाज शून्यावर बाद झाले. यापूर्वी १९८३ च्या एकदिवसीय विश्वचषकात झिम्बाब्वेविरुद्ध असे घडले होते. दरम्यान या सामन्यात पहिले विकेट्स घेणाऱ्या मिचेल स्टार्कने लसिंथ मलिंगाचा विक्रम मोडला.

इशान-रोहित पाठोपाठ श्रेयस अय्यरही शून्यावर बाद –

ऑस्ट्रेलियाविरुद्धच्या या सामन्यात शुबमन गिलच्या जागी इशान किशनचा प्लेईंग इलेव्हनमध्ये समावेश करण्यात आला होता, मात्र तो गोल्डन डकवर बाद झाला. इशान किशनचा एकदिवसीय विश्वचषकातील हा पहिलाच सामना होता, मात्र या सामन्यात तो आपली क्षमता सिद्ध करू शकला नाही. तो मिचेल स्टार्कच्या चेंडूवर बाद झाला. यानंतर भारतीय कर्णधार रोहित शर्माने ६ चेंडूंचा सामना केला आणि जोस हेझलवूडच्या चेंडूवर शून्यावर बाद झाला, तर श्रेयस अय्यर तीन चेंडूंचा सामना करत शून्यावर आऊट होऊन पॅव्हेलियनमध्ये परतला.

मिचेल स्टार्कने विश्वचषकात घेतल्या सर्वात जलद ५० विकेट्स –

या सामन्यात मिचेल स्टार्कने इशान किशनला बाद केले. यानंतर तो एकदिवसीय विश्वचषकाच्या इतिहासात सर्वात कमी डावात ५० विकेट्स घेणारा जगातील पहिला गोलंदाज ठरला. स्टार्कने लसिथ मलिंगाचा विक्रम मोडीत काढला, ज्याने अवघ्या २५ डावात ही कामगिरी केली होती. मिचेल स्टार्कने हा पराक्रम अवघ्या १९ डावात केला.

हेही वाचा – IND vs PAK: पाकिस्तानविरुद्ध टीम इंडिया कोणत्या रंगाची जर्सी परिधान करणार भगव्या की निळ्या? बीसीसीआयने केले स्पष्ट

एकदिलसीय विश्वचषकात सर्वात जलद ५० विकेट्स घेणारे गोलंदाज –

१९ डाव – मिचेल स्टार्क
२५ डाव – लसिथ मलिंगा
३० डाव – ग्लेन मॅकग्रा
३० डाव – मुथय्या मुरलीधरन
३३ डाव – वसीम अक्रम

Latest Comment
View All Comments
Post Comment

मराठीतील सर्व क्रीडा, वर्ल्डकप २०२३ बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ind vs aus match updates mitchell starc breaks lasith malingas record for fastest 50 wickets in odi world cup vbm

First published on: 08-10-2023 at 19:49 IST

संबंधित बातम्या

तुम्ही या बातम्या वाचल्या आहेत का? ×