News Flash

मलायकाच्या फिटनेस टिप्समुळे करोनावर मात करता आली, वरुणने शेअर केला अनुभव

पाहा व्हिडीओ

गेल्या वर्षी डिसेंबर २०२० मध्ये बॉलिवूड अभिनेता वरुण धवनला करोनाची लागण झाली होती. नुकताच वरुण अरुणाचल प्रदेशमध्ये चित्रपटाचे चित्रीकरण संपवून मुंबईत परतला आहे. एक व्हिडीओ सोशल मीडियावर शेअर करत करोनाशी त्याने कसा लढा दिला याबद्दल वरुणने सांगितले आहे.

वरुणने त्याच्या इन्स्टाग्राम अकाऊंटच्या स्टोरीवर मलायकाचा एक व्हिडीओ शेअर केला आहे. मलायकाच्या या व्हिडीओत तिने आणि तिच्या संपूर्ण योगा टीमने ब्रिथिंग एक्सरसाइज वेगवेगळ्या भाषेत समजवले आहेत. ‘या त्याच ब्रिथिंग एक्सरसाइज आहेत, ज्या मी करोना संक्रमित झालो होतो तेव्हा करायचो,’ अशा आशयाचे कॅप्शन वरुणने दिले आहे.

मलायकाला देखील सप्टेंबर २०२० मध्ये करोनाची लागण झाली होती. मलायका आता चित्रपटात दिसत नसली तरी तिच्या फिटनेस आणि योगामुळे ती नेहमीच चर्चेत असते. सोशल मीडियावर योगाचे व्हिडीओ शेअर करत ती अनेकांना प्रेरित करते.

वरुणला काही दिवसांपूर्वी पत्नी नताशा दलालसोबत मुंबई विमानतळावर पाहिले होते. त्यावेळी तो अरुणाचल प्रदेशवरून ‘भेडिया’ या त्याच्या आगामी चित्रपटाचे चित्रीकरण संपवून मुंबईत आला होता. या चित्रपटाचे दिग्दर्शन अमर कौशिक यांनी केले आहे. तर चित्रपट एप्रिल २०२२ मध्ये प्रदर्शित होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 23, 2021 7:09 pm

Web Title: varun dhawan shared malaika arora breathing exercises that helped him recovering from coronavirus dcp 98
Next Stories
1 ‘दोस्ताना-2’ मधील एक्झिटनंतर कार्तिक आर्यनने सोशल मीडियावर शेअर केला पहिला फोटो
2 सोनू सूद बरा झाला….करोना अहवाल आला निगेटिव्ह!
3 वामिकाला समर्पित केलं पहिलं अर्धशतक अन् अनुष्काला दिलं फ्लाईंग कीस!
Just Now!
X