Marathi News Today : लोकसभा निवडणुकीसाठी जय्यत तयारी सुरू झाली आहे. भाजपा आणि काँग्रेसने काही ठिकाणचे उमेदवार जाहीर केले आहेत. महाराष्ट्रातील उमेदवारांचीही यादी समोर आली आहे. तर, काही मतदारसंघात अद्यापही रस्सीखेच सुरू आहे. त्यामुळे महायुती आणि महाविकास आघाडीतील अंतर्गत वादामुळे अधिकृतरित्या जागा वाटप होऊ शकलेले नाही. दरम्यान, आज ठाकरे गट आणि शिंदे गटाकडून उमेदवार जाहीर होण्याची शक्यता आहे. तर, दुसरीकडे वंचितने महाविकास आघाडीला दिलेल्या अल्टिमेटमचा आजचा शेवटचा दिवस आहे. त्यामुळे येत्या काळात वंचित बहुजन आघाडी महाविकास आघाडीत राहते की त्यातून बाहेर पडते हे पाहणं महत्त्वाचं ठरणार आहे.