Maharashtra Anant Chaturdashi Live Updates, 29 September 2023 : राज्यात सगळीकडेच गणेशोत्सव मोठ्या उत्साहात साजरा करण्यात आला. गणेश चतुर्थीला बाप्पाचे आगमन झाले आणि त्यानंतर आज (२८ सप्टेंबर) अनंत चतुर्दशीला गणपती विसर्जन होत आहे. या पार्श्वभूमीवर राज्यातील अनेक मानाचे गणपती विसर्जित होत आहेत. दुसरीकडे राज्यात सगळीकडे पावसाची हजेरी लागली आहे. त्यामुळे शेतकऱ्यांनाही दिलासा मिळाला आहे. गणपती विसर्जनासह राज्यातील प्रत्येक घडामोडीच्या लाईव्ह अपडेट्स एका क्लिकवर…
Mumbai Pune Konkan Maharashtra Ganpati Visarjan 2023 Live Updates : गणपती विसर्जनासह राज्यातील प्रत्येक घडामोडीच्या लाईव्ह अपडेट्स एका क्लिकवर...
"ही शान कोणाची, लालबागच्या राजा"ची अशा निनादात काल (२८ सप्टेंबर) सकाळी ९ वाजता मंडपाबाहेर पडलेला लालबागचा राजा अद्यापही मिरवणुकीतही आहे. गेल्या २० तासांपासून लालबागच्या राजाची मिरवणूक मुंबईच्या रस्त्यांवर सुरू असून आता थोड्याच वेळात राजाचे विसर्जन होईल. दरम्यान, समुद्राला भरती नसल्याने अनेक सार्वजनिक गणेशोत्सव मंडळांचे गणपतीही रांगेत आहेत. त्यामुळे समुद्राला भरती आल्यानंतर लालबागच्या राजासह सर्व गणेश मूर्तींचं विसर्जन होईल.
भाविकांच्या भक्तीत आणि पावसाच्या सरींमध्ये न्हाऊन निघत मुंबई-पुण्यातील सार्वजनिक गणेशोत्सव मंडळांचे गणपतींचं विसर्जन झालं आहे. तर, लालबागच्या राजाची मिरवणूक मुंबईतील रस्त्यांवरून गिरगाव चौपाटीच्या दिशेने रवाना झाली आहे. लालबागच्या राजाची मिरवणूक पहाटेपर्यंत सुरू असते. त्यामुळे इतर सार्वजनिक गणेशोत्सव मंडळाचे गणपती विसर्जित झाल्यानंतर त्या मंडळाचे गणपती लालबागच्या राजाच्या मिरवणुकीत सामिल होतात. परिणामी, क्षणोक्षणी लालबागच्या राजाच्या मिरवणुकीसाठी गर्दी वाढत आहे. तसंच, पावसाचीही रिमझिम सुरू आहे. दुसरीकडे गिरगाव चौपाटीवरही गर्दी वाढत आहे. त्यामुळे पहाटेपर्यंत मुंबईच्या रस्त्यांवर जल्लोष पाहायला मिळणार आहे.
https://x.com/mieknathshinde/status/1707453072971333678?s=20
गणेशोत्सव सुरू होण्यापूर्वी श्रीमंत दगडूशेठ हलवाई गणपती मंडळ ट्रस्ट मार्फत विसर्जन मिरवणुकीत दुपारी चार वाजता सहभागी होण्याचा निर्णय घेण्यात आला होता.ठरलेल्या नियोजित वेळेनुसार दुपारी चार वाजण्याच्या सुमारास मुख्य मंडपामधून मिरवणुकीला सुरुवात झाली. सविस्तर वाचा
गेल्या काही महिन्यांत पुण्यात कोयता गँगची मोठी चर्चा आहे. अनेक कोयता गँगवर पोलिसांनी कारवाईही केली आहे. याच कोयता गँगचे प्रतिबिंब गणेश विसर्जन मिरवणुकीतही उमटले असून, वैभव मित्र मंडळाने कोयता गँग बाबत जनजागृतीपर देखावा साकारला आहे.
लाडक्या बाप्पाला निरोप देण्यासाठी आलेल्या लाखो पुणेकरांच्या उपस्थितीत मानाचे पाच गणपतींचे ढोल-ताश्यांच्या गजरात विसर्जन करण्यात आले.सकाळी १०: १५ वाजता पुण्याचे ग्रामदैवत आणि मानाचा पहिला कसबा गणपती पारंपरिक पद्धतीने पालखीमध्ये मिरवणूक काढण्यात आली. सविस्तर वाचा…
गणेश विसर्जन मिरवणुकीमधील ध्वनीवर्धकांच्या तीव्र क्षमतेने जिल्ह्यात सोमवारी रात्री दोन तरूणांचा ह्दयविकाराने मृत्यू झाला. या घटनेनंतर दुधारीतील मिरवणुकप्रकरणी ११ जणांविरुध्द विनापरवाना ध्वनीवर्धकाचा वापर करुन सार्वजनिक शांतताभंग केल्याप्रकरणी इस्लामपूर पोलीस ठाण्यात गुन्हा दाखल करण्यात आला. सविस्तर वाचा…
विसर्जन मार्गावरील दणदणाटाने आवाजाची मर्यादा ओलांडली. ध्वनिवर्धक, ढोल ताशांच्या आवाजामुळे विसर्जन मार्ग परिसरातून चालणे देखील अवघड झाले होते. आवाजाने थरकाप उडत आहे. दणदणाटामुळे रहिवाशांसह भाविकांनाही त्रासाला सामोरे जावे लागत आहे.
पिंपरी-चिंचवड उद्योगनरीत जलाभिषेकात गणेश विसर्जन मिरवणुकीला प्रारंभ झाला आहे. सायंकाळी पाचनंतर सार्वजनिक गणेश मंडळे विसर्जन मार्गावर येण्यास सुरुवात झाली.
मुंबईसह महाराष्ट्रात आज अनंत चतुर्दशीच्या दिवशी लाडक्या गणरायाचे विसर्जन होत आहे. मुंबईतील प्रसिद्ध गणपतीच्या विसर्जन मिरवणुका सुरू असतानाच आता मुंबईत विजांच्या कडकडाटासह जोरदार पावसाला सुरुवात झाली. मुंबई पश्चिम उपनगरातील सांताक्रुज, विलेपार्ले, अंधेरी, वर्सोवा, गोरेगाव या भागात जोरदार पावसाला सुरुवात झाली आहे. सोबतच विजांचा कडकडाटही ऐकायला मिळत आहे. यामुळे मुंबईच्या प्रसिद्ध अशा जुहू समुद्रावर गणपती विसर्जनासाठी आलेल्या नागरिकांनीही आपल्या बाप्पाचे विसर्जन त्वरित करून घराकडे निघणे पसंत केले. यामुळे सध्या जुहू चौपाटी वरील गर्दी कमी झाल्याचे पाहायला मिळाले.
भगवान श्रीगणेश आणि यंदाची सजावट असलेल्या अयोध्या श्रीराम मंदिर संकल्पनेशी सुसंगत श्री गणाधीश रथामध्ये विराजमान श्रीमंत दगडूशेठ हलवाई गणपती नियोजित वेळेपूर्वी गुरूवारी मार्गस्थ झाला.
पुण्याच्या वैभवशाली विसर्जन मिरवणुकीतील मानाचा पहिला श्री कसबा गणपती मंडळाच्या गणेश मूर्तीचे दुपारी साडेचार वाजता विसर्जन झाले.
थायलंडमध्ये मुख्यत्वे बौद्ध धर्माचे पालन केले जाते. मात्र, तेथे गणेशभक्तांची संख्यादेखील प्रचंड आहे. दरवर्षी थायलंड देशात मोठ्या उत्साहात गणेशोत्सव साजरा केला जातो.
पुण्याच्या विसर्जन मिरवणुकीत इतिहास घडला. मिरवणुकीचे प्रमुख आकर्षण असलेले श्रीमंत दगडूशेठ हलवाई गणपती मंडळ पहिल्यांदाच दुपारी चार वाजता लक्ष्मी रस्त्यावरील मुख्य विसर्जन मिरवणूक मार्गावर दाखल झाले आहे.
गणपती बाप्पा मोरया, पुढच्या वर्षी लवकर या…चा जय घोष करीत ढोल ताशांच्या गजरात आणि डिजेच्या निनादात लाडक्या बाप्पाला आज अखेरचा निरोप दिला जात आहे. वाशीम शहरात देखील बाप्पाला अखेरचा निरोप दिला जात आहे. सविस्तर वाचा…
अरोमिरा नर्सिंग कॉलेजने एएनएमचे शिक्षण घेत असलेल्या १८ विद्यार्थिनींची फसवणूक केल्याचे निष्पन्न झाल्यानंतर काल रात्री अरोमिरा कॉलेजच्या संस्था चालक वर्षा अविनाश साखरे, प्राचार्या सुसन्ना थालापल्ली, कर्मचारी राकेश निखाडे व जयश्री कडू यांच्या विरोधात फसवणुकीचा गुन्हा दाखल करण्यात आला. सविस्तर वाचा…
स्वच्छता पंधरवाड्यांतर्गत अकोला महानगर पालिकेकडून १ ऑक्टोबरला ‘एक तारीख, एक तास स्वच्छता’मध्ये शुन्य कचरा उपक्रम राबविण्यात येणार आहे. त्यासाठी शहरातील १४ ठिकाणी नियोजन करण्यात आल्याची माहिती मनपा आयुक्त कविता द्विवेदी यांनी आज पत्रकार परिषदेत दिली. सविस्तर वाचा…
जळगाव भिलपुरा चौकी परिसरात सार्वजनिक गणेश मंडळाच्या मिरवणुकीवर मुस्लीम बांधवांकडून भव्य पुष्पवृष्टी करण्यात येऊन गणपतीची आरती करण्यात आली. हिंदू बांधवांसह जिल्हाधिकारी व पोलीस अधीक्षकांकडून मुस्लीम बांधवांच्या दर्ग्यावर चादर चढवण्यात आली. हिंदू-मुस्लीम एकतेचे दर्शन घडवणारी ही ७० वर्षांपासूनची परंपरा आजही कायम असल्याचे पाहायला मिळाले.
भारतीय जनता पक्षाचे प्रदेशाध्यक्ष चंद्रशेखर बावनकुळे यांनी २०२४ च्या निवडणुकीपर्यंत भाजपविरूद्ध बातम्या प्रकाशित होऊ नये याची काळजी घेण्यासाठी ‘पत्रकारांना चहा पाजा, ढाब्यावर जेवायला न्या’ असा सल्ला भाजपच्या पदाधिकाऱ्यांना एका बैठकीत दिला.
शेतकऱ्याने पेरणी केलेले बियाणे उगवले नसल्याच्या तक्रारीकडे दुर्लक्ष करणे एका तालुका कृषी अधिकाऱ्यास चांगलेच महागात पडले. तक्रार करूनही नुकसानीचा पंचनामा झाला नाही. शेतकरी नुकसानभरपाईपासून वंचित राहिला. सविस्तर वाचा…
उपमुख्यमंत्री अजित पवार महायुतीमध्ये सामील झाल्यामुळे भाजपला काहीही फरक पडणार नाही .राज्यात भाजप हाच सर्वात मोठा पक्ष आहे ते महायुतीत आल्यामुळे प्रादेशिक स्वरूपाच्या छोट्या-मोठ्या पक्षांना फरक पडेल असे उपरोधीकपणे साताऱ्याचे संपर्क प्रभारी व केंद्रीय गृहराज्यमंत्री अजय कुमार मिश्रा साताऱ्यात म्हणाले. सविस्तर वाचा…
पाऊस सुरू झाल्यानंतर ढोलताशाच्या तालावर नाचण्याचा आनंद पुणेकर घेत आहेत.
शहरातील भद्रकाली येथील वाकडी बारव येथून गणपती विसर्जन रथ मिरवणुकीला पालकमंत्री दादा भुसे यांच्या प्रमुख उपस्थितीत सुरुवात झाली.
मुंबईत कामावरुन घरी जाणाऱ्या मराठी तरुणाला परप्रांतीयांनी चोप दिला. हा मुलगा घरी जात असताना त्याला मारहाण करण्यात आली आहे. तसंच त्याला जय श्रीरामचे नारे देण्यासाठी जबरदस्ती करण्यात आली. वंचित बहुजन आघाडीने या संदर्भातलं ट्विट करुन ही माहिती दिली आहे. या घटनेमुळे मुंबईत चाललं आहे? हाच प्रश्न पडतो आहे. कारण मुंबईत एका महिलेला घर नाकारण्यात आलं. तिचा व्हिडीओ व्हायरल झाला. घर नाकारत असताना तिला मराठी म्हणून हिणवलं गेलं. तसंच तिच्याबरोबर अरेरावीही करण्यात आली. हे प्रकरण ताजं असतानाच आता ही नवी घटना समोर आली आहे.
गुलालाने माखलेला रीलस्टार अथर्व सुदामे त्याच्या पवन वाघुलकर,डॅनी पंडित व इतर मित्रांसह मिरवणुकीत सहभागी झाला.
पुण्यात गणेश विसर्जन मिरवणूक पाहण्यासाठी परदेशी नागरिकांची हजेरी, थायलंडहून गणेश विसर्जन पाहण्यासाठी पर्यटक पुण्यात दाखल, दरवर्षी गणेश विसर्जनासाठी भारतात येतात, आधी मुंबईत, मग अष्टविनायक करून विसर्जनाला पुण्यात
मानाचा चौथा तुळशीबाग गणपती मंडळाची विसर्जन मिरवणुक महाकाल रथा मधून काढण्यात आली. २८ फुट उंच असा रथ फुलांनी सजवलेली होता.तर त्यावर १२ फुट उंचीची महाकालची पिंड साकारण्यात आली होती. उज्जैन येथील श्री महाकालेश्वराची सवारी ज्याप्रमाणे निघते त्याप्रमाणे मिरवणूक काढण्यात आली. अघोरी महाराज अणि बाहुबली महादेव मुख्य आकर्षण होते.लोणकर बंधूंच नगारा वादन, स्वरूप वर्धनी, गजलक्ष्मी,शिवमुद्रा वाद्य पथक सहभागी झाले होते. तर यावेळी शिवमुद्रा पथकाने भस्माची उधळण देखील केली.
चंद्रपूर: राज्यातील लाखो निराधारांना राज्य सरकारच्या संजय गांधी निराधार योजनेचा आधार आहे. पण गेल्या काही महिन्यांपासून या योजनेची रक्कम लाभार्थ्यांच्या खात्यात जमा झालेली नाही. त्यामुळे हातावर पोट असलेले आणि या योजनेच्या पेन्शनमधून उदरनिर्वाह चालविणारे लाखो लाभार्थी प्रतीक्षेत आहेत.
नवी मुंबई शहरामध्ये आज दहा दिवसाच्या बाप्पाचे विसर्जन होणार आहे. त्यामुळे अनेक गणेश भक्त आपल्या लाडक्या बाप्पाला निरोप देण्यासाठी वेगवेगळ्या तलावांवर मोठ्या संख्येने गर्दी करत आहेत. बाप्पाचे विसर्जन निर्विघ्नपणे पार पाडण्यासाठी पोलीस बंदोबस्त करण्यात आला आहे. झोन वन वाशी येथे आज २१९ सार्वजनिक गणपती, ६४ सोसायटीचे गणपती, ८ हजाराच्या आसपास खासगी गणपतीचे विसर्जन होणार आहे. त्यासाठी २ डीसीपी, ४ एसीपी, २२ व पोलीस निरीक्षक दर्जाचे अधिकारी, १२५ पीएसयूपीआय, ८०० पोलीस कर्मचाऱ्यांचा बंदोबस्त असणार आहे. आरसीपी प्लाटूम तसेच होम गार्डसह वेगवेगळ्या स्वयंसेवा संघटनांचा समावेश आहे. त्यामुळे आजचा गणेश विसर्जन सोहळा निर्विघ्नपणे पार पडण्यासाठी पूर्णपणे सुरळीत नियोजन केले आहे.
वर्धा: नद्या, तलाव,ओढे विहिरी येथे मुर्त्या विसर्जन केल्यास जल प्रदूषण वाढते.ते टाळावे म्हणून स्वयंसेवी संस्थांनी सिमेंटचे टाके, मोठे ड्रम , कृत्रिम हौद गणेश विसर्जनासाठी उपलब्ध करून देण्याची चळवळ सुरू केली. त्यास आता उत्स्फूर्त प्रतिसाद लाभत आहे.
वाचा सविस्तर...
मंडळांना मागील वर्षाचेच क्रमांक; विसर्जन मिरवणूक रेंगाळल्यास कारवाई; पोलिसांचा इशारा (संग्रहित छायाचित्र)
